بی رَحمَل

دِلم اِشکَهس وَلی ای لوُیَلُم ایخَندِس

کسی حاله منه بی خَندَیَل نیفَهمِس

همه ایگُن که ای کُر چِقد خوشحاله،

نوُنِن ای کُر مِن تِناییش هَمَش ایناله

،،،،،

چقد ای دِلم اشکَهس مو چی نَگوتُم

چقد بِی دِندون ای لوُیلمه کُهتُم،

سَرُم وابی سَفید وَ پَرتَنو ای دَردَل

یه روزی ایرَوُم وَ شَهر ای (بی رَحمَل)

.........

مو هَرجی زندگیمه سیل کنُم تا دَردِ

خدا کاری بکُن روزَل خَشُم وَرگَرده

حَلاله حَرفَلی که پِی سرُم روُ دادِن،

جواب خوبیَلمه بِی بَدی ایدادِن...

،،،،،،،

چقد ای دِلم اشکَهس مو چی نَگوتُم

چقد بِی دِندون ای لوُیلمه کُهتُم،

سَرُم وابی سَفید وَ پَرتَنو ای دَردَل

یه روزی ایرَوُم وَ شَهر ای (بی رَحمَل)