دانلود آهنگ لری

جنگل

هوووم دارکونه زینه

سر جاشم رفتنه

گلی ایبینم ریشه منش نیپکه

اوری ایبنم یه توک وش نیتکه

صدا و دیوار دریا و یو درنیا

ای وصل نیچسپه و ول وریا

بارون پیوم ایدا زمین کشت ویبی

دنیا زِر عطر زاغ دینشت ویبی

رزق و روزی سایش سنگین نبی

سَر پَر پرین ریشه در زمین نبی

جنگلی که روح وَ سَر ادم ایبره

بعد مرگ مه قالب دار هم ايبره

جنگلی که پا که پَس پی دارش

لغی تر اشکنا زِر پی سارش

چدونی ای لغَ مسی اره وانبو

یا مسی پرچمی سَر نَرَ وانبو

دنیا بده بسونه بهار زمسونِ

یه رو درد عشق یه رو درد نونِ

دنیا وری دنیا برَ

موجِ وری دریا برَ

او و او تکون نیخره

بارون زدن یادت نَرَ

هوا گرم وابیده عرقت چیر ایکنه

خار خشونت اخر وت گیر ایکنه

وَ هیمه نیشهه شاخ وُ برگ بدی

حقیقت باید نومش مرگ بنی

هممو کاسبیم همه زغال فروش

او همه دار و کوهه رهته کوش

گوسنیه دروس تشنیه دروس

تش بی دید نهادیه زِر زاگرس

تینه نیشهه وری طبیعت بوندی

زِر سایش بشنیُ بگیُ بخندی

دنیا هم ینه یه دار یه اسمونی

جسمیو جونی ریشه وُ بارونی

یه دل خش که زر سایش بمونی

دنیانَ تا ابد غم انگیز میکنیت

مکنیت مسازیت خدانه بشناسیت

دار ایفهمه ایشا نیفهمیت

تا عمر داریت هیلو نیبندیت

هيچ داري و ميل تو ميوه نيده

هيچ مغزي بي تلاش ايده نيده

دنیا وری دنیا برَ

موجِ وری دریا برَ

او و او تکون نیخره

بارون زدن یادت نَرَ

كاش اندازی يه داري ارزش داشتمي

بي گلي كه زِر پامه نرمش داشتمي

دهسش بمال زبرینه حالیت ویبو

يه عمر زجر و سختي مه ریت ویبو

عمري كه تَرِس لغَنَ پِر پتي كنه

خوشا خوش وَ موقش قطی کنه

هممو و‌َ شر اي اره خلاص ويبيم

صب گه گهكون و خو راس ويبيم

سَرو طبيعتمونه دريا دردمونه

رنگ ريمونه رگُ ريشمونه

نفس اينده امونت بچمونه

پسين غروب خط قرمزمونه

دهس دهس بدیت و دره دریمو

رهنه چهنه بجوریت و نره نریمو

گِرندَ خوش کورتر نبو واز ویبو

روزَ نیلیم بشینه تا دراز ویبو

شعر.حمیدرضا صادقی (پارسی)