بمیروم سی خومو ای دل

بمیروم سی دوتاییمون

ک وردامون منه وارگه

گل بی دین و بی ایمون

ی تیم حرصه ی تیم خینه

کسی نی دردمه بینه

مو باخت دادوم ب ای دوره

مو قلبوم مرد منه سینه

بسی دادن دی ازاروم

ز ای دنیا طلو کاروم

خدایا زت ایخوم امشو

ز مینه خو نورداروم

شوم شه روزگاروم شه

تو دنیامه سیاه کردی

جوونیمه ب پات نادوم

اخوم دی هیچ نورگردی

ز ویرت رهَم ز یادت رهَم

چ کردوم بی مَیَر وا تو

تو دونستی امیروم سیت

مو دادوم دست تو آتو

همه شو یاد او حرفات

دوتیمه ایکنه وا خین

ستین جونِ مو بیدی

غمت وابی سروم سنگین