دانلود آهنگ لری

دل بی دونگ

خومه تک مندم و تهلی و دل بی دنگم

وا چخونی منه پهلی و دل بی دنگم

هر کجه سیل اکنم پیش مو دیوار شوه

افتو بخت به خو رهده گرفگار شوه

دلم ایخا سر تاراز هواری بکشم

وا نم دل بنشینم یه سگاری بکشم

چنو داغم که تش ایر یاهه کلم ایسوسه

چی او دالو که کرس مرده دلم ایسوسه

بید حشکم، ز غم بی ثمری وا چه کنم

عاجز آبیمه ز ای در به دری وا چه کنم

زیر بار غم دنیا ز دو زونی وستم

چی بلیطی به تور زیدنم و اشکستم

سیچه وا بار غریوی سر شون مو بوئه؟

هر کجه داغ دلی بیده به جون مو بوئه؟

آرمون مو یه ره ار بوراهه چه ابو؟

منه شوگار مو افتو بدراهه چه ابو؟

سیچه هر جا اروم زحم زوونم ازنن؟

ار نُقُش هم بکشم مینه دهونم ازنن؟

مو غریوم مونه آواره ولاتا کردن

مونه دلسوهده ترین شاعر دنیا کردن