مو چی دار کهنه کنارم که پیره

همو مردیم که مه غربت اسیره

تو چی دار سوزی که سایت بهاره

همو اور خیری که بارون اباره

بریدم ز دنیا ندارم امیدی

مو چی شو سیاهم ندارم سفیدی

منه لشک پیرم پره برد کینه

د هیچ رهگدردی تکیم نینشینه

تو چشمه زلالی ک پا کو درومه

مو چی بلگیم که و او ره و نومه

تو افتوی زردی که گرما ایبخشه

نه چی مو که سردم و لارم ایخشکه

کسی ده نیایه بپرسه د حالم

مو حتی د گرما نداره زغالم

رسیدم و آخر مو مندیر مرگم

د زرد و پلاسیده وبیده بلگم

مو چی دار کهنه کنارم که پیره

همو مردیم که مه غربت اسیره

تو چی دار سوزی که سایت بهاره

همو اور خیری که بارون اباره